NAPANGITI si Hannah paggising niya nang umagang iyon. Mahimbing ang naging tulog niya nang nagdaang gabi. Hindi siya ginambala ng kahit na anong panaginip. Magaan ang kanyang pakiramdam nang magising siya. Nakatulong talaga sa kanya ang pakikipag-usap kay Lola Ancia.
Lumabas siya ng kanyang silid. Nais niyang magtungo sa hardin. Hindi sapat sa kanya na nakikita niya ang mga iyon mula sa kanyang silid. Nais damhin ng kanyang mga daliri ang makukulay na bulaklak.
Palabas na sana siya ng bahay nang makita niyang papasok naman si Jeff Mitchel sa villa. Nginitian niya ang binata. He looked so handsome in the morning. Pakiramdam ni Hannah ay kompleto na kaagad ang umaga niya dahil nakita na niya si Jeff Mitchel.
Hindi ito gumanti ng ngiti sa kanya. He just looked at her. Bahagya siyang nailan
