IRENE
Mugto na ang mga mata ko mula sa pag-iyak dahil sa nangyari kagabi. Hindi ma-process ng utak ko ang lahat. Ama ko si Mr. Lee? Kapatid ko si Stacey? Ipinaliwanag ni mama ang lahat. Nakilala niya si Mr. Lee sa isang restaurant na pinagtatrabahuan niya bilang waitress noon, nagkamabutihan sila at nagbunga ng isang anak at ako iyon. Si Ivan naman ay anak ni mama sa pangalawang asawa nito na iniwan lang din siya. Nakakatawa, kaya pala parang koreana rin ang balat ko dahil koreano rin pala ang tatay ko!
Kahit feeling ko ay masama ang pakiramdam ko, pumunta pa rin ako sa school dahil kailangan kong pumasok gawa ng malapit na ang midterm exams namin. Nakasuot lang ako ng eyeglasses para hindi halata ang mga mata kong namumugto. Hindi pa naman yata lumalabas sa media ang tungkol sa nangyari
