JAYEM
Pagkatapos ko sa presscon ay binalak kong puntahan ang Mama ni Irene, plano kong magpaliwanag para kahit paano ay hindi naman mapagalitan ang babaeng ‘yon. Nasa tapat na ako ng bahay nila at lalabas na sana ako ng kotse pero nakita ko si Irene sa labas ng pinto nila kaya nanatili muna ako sa loob.
Iyong Polestar 1 ang sasakyang dala ko ngayon at hindi iyong palaging gamit ko kapag kasama ko siya kaya hindi niya malalaman na nandito ako sa tapat ng bahay nila. Tiningnan ko lang kung ano ang mangyayari. Mayamaya pa ay lumabas na ang Mama niya.
Ikinagulat ko ang sumunod na pangyayari.
Isang mag-asawang sampal ang natanggap ni Irene mula sa Mama niya. Umiiyak siya at base sa kilos nila ay parang pinagtatabuyan na si Irene ng Mama niya.
Ibinaba ko nang bahagya ang wind shield ng sasa
