Kasabay nang paglanghap ko ng hangin ay ang pag-ahon ng ulo ko. Nananatili akong nakapikit habang ilang beses na umuubo, sa bawat pag-ubo ko pa ay siyang paglabas ng tubig sa bibig ko.
Ramdam ko rin ang bigat sa dibdib ko, hindi lang dahil sa naubusan ako ng hangin kung 'di sa dalawang kamay na patuloy akong ginagawan ng CPR. Mabilis ang bawat pagtataas-baba ng mga kamay, animo'y nagmamadali o balisa.
"Fvck, Brayleigh! Open your eyes!" sigaw ng isang boses, kasunod naman nito ay ang masuyong paghaplos sa pisngi ko. "Wake up, Brayleigh... please..."
Imbes na ituon ang atensyon sa kung sino man ang tao na nasa harapan ko ngayon ay tahimik kong pinakiramdaman ang paligid. Tahimik na, umuulan pa rin pero masasabi kong payapa na ang paligid.
Wala na akong marinig na iba, o kahit putok ng ba
