Kinaumagahan ay wala na akong naabutang tao sa bahay ni Brayden. Kami na lang ang naiwan doon. Sa paglabas pa namin ay mas malinaw kong nakikita ang kabuuan ng kaniyang mansion.
Sobrang laki pati na rin ng kalupaan, sa lawak pa no'n ay nagkalat din ang mga lalaking nakasuot ng black suit. May mga suot na ear piece at baril sa kanilang tagiliran habang matayog ang pagkakatayo.
Nang tuluyang huminto sa tapat ng kotse ni Brayden ay dagli ko pang nilingon ang bahay niyang iyon. Gusto ko pa sanang magtagal dito, pero alam kong hindi pwede dahil marami pa kaming bagay na kailangan tapusin sa araw na ito.
"Let's go, Brayleigh." Dinig kong wika ni Brayden, nakabukas na rin ang pinto ng passenger's seat at hinihintay na lang ako nitong pumasok doon.
Tipid akong ngumiti bago pumasok sa loob. Kaa
