Matapos kong pasukan ng cartridges ang GLOCK 18 ay kaagad ko iyong inipit sa kulay itim na holster garter na naroon sa hita ko. Nandoon na rin ang isang magazine na puno ng NATO bullets, a standard 9×19mm Parabellum pistol cartridge.
Inayos ko ang suot kong black dress. Kapagkuwan ay humarap sa malaking salamin na nasa harapan. Narito ako sa hotel kung saan ang pangyayarihan ng event, mag-isa ako dahil kasama iyon sa plano.
Si Brayden naman ay manggagaling pa sa kaniyang bahay. Hindi rin pwedeng ipahalata na matagal na kaming nagkita. Ang nakalatag na plano ay aakting kaming first time na magkikita sa harapan nina Mama at Papa.
Hindi nila pwedeng malaman na may mangyayaring gulo mamaya. Ang kailangan ko lang din gawin ay ang anyayahan silang umalis bago pa man magsimula ang event. Mahir
