Nakalabas na ako ng event hall ngunit hindi ko pa rin magawang makita si Brayden, o kahit si Pedro. Hindi na alintana sa akin ang mga naaapakan kong debris, pero takbo lang ako nang takbo.
Ano mang oras ay mauubos na ang cartridge ng baril ko. Wala na akong naitabing reserbang magazine dahil hindi ko naman inakalang aabot sa ganito. Hindi ko rin naisip na pwede akong mahiwalay kina Brayden.
Pinagtataka ko pa kung sino ang nasa likod ng sniper gun na 'yon. Pero may kutob na ako na posibleng si Mikaela o ang grupo niya. O baka sa kampo ng mga Melendrez. Naisip ko rin na kagagawan nina Minerva, Vien at Pietro ang pagpapatunog sa emergency alarm.
Bilang pagbibigay warning sa mangyayari. Pati na rin ang pagpatay ng ilaw sa function hall. Malamang na nakaabot na sa kanila na may sniper na gus
