TATLONG na ang nakakalipas mula nang magkausap sina Kim at Mark. Sinubukan ni Kim na lapitan ito ngunit patuloy pa rin ito sa pag-iwas. She missed him terribly. Nami-miss niya ang mga pasimpleng hirit nito, ang paglalambing nito, ang mga joke nito, at ang mga pang-aasar nito. She missed everything about him. Kasalanan nito ang lahat ng iyon. He made her fall in love with him. Siya naman itong si loka, hinayaang mahulog ang loob niya rito.
Kung talagang mahal siya nito, bakit hindi siya ipaglaban nito? Bakit hindi siya agawin nito mula kay Robert? Marahas siyang naopabuntong-hininga. Sunod-sunod na pumatak ang mga luha niya.
"Nakakainis naman, o!" pagmamaktol niya.
"Anak, kaya mo 'yan." Boses iyon ng nanay niya. Hindi niya namalayan na nakapasok na pala ito sa silid niya.
"Eh, 'Nay,
