Marahas na napalingon si Althea kaya nakaiwas siya bago pa tumama sa ulo niya ang baseball bat. Sa halip, tumama iyon sa balikat niya kaya malakas siyang napasigaw. Kaagad namang itinaas ni Rebecca ang baseball bat para muling ipalo kay Althea kaya mabilis siyang napaatras at sumabit ang paa niya sa isa sa mga side table doon. Napapikit siya sa sakit ng paupo siyang bumagsak sa sahig. Tumama naman ang baseball bat sa malaking salamin sa ibabaw ng lamesa kaya nagtalsikan ang mga piraso niyon.
"s**t!" Malakas na wika ni Rebecca at muling itinaas ang baseball bat, sinisentro ang mukha ni Althea.
Kaagad namang gumapang si Althea palayo kasabay ng pagbagsak ng baseball bat sa tiled na sahig. Mabilis siyang tumayo at nakayukong itinulak si Rebecca. Na-out of balance ito dahil sa malakas na pag
