Matagal na walang nagsalita sa kanilang tatlo. Si Althea at Jozel ay nakatingin lang kay Mrs. Moises na kasalukuyang nagpupunas ng luha. Nanginginig pa din ito ngunit hindi mapagdesisyunan ni Althea kung iyon ay dahil sa emosyon sa pagku-kwento nito sa nangyari sa pamangkin nito o sa galit kay Nikki na hindi nito ikinakaila.
"Pero kung si Nikki po ang pumatay sa pamangkin ninyo, hindi ba dapat eh malalaman iyan ng mga imbestigador? Lalo na sa Canada, mga high-tech ang mga equipment nila at expert sila lalo na sa pag-iimbestiga sa mga ganyang cases." Wika ni Jozel. Sinulyapan ni Althea ang matanda kung ano ang magiging reaksyon nito sa sinabi ni Jozel.
Marahas itong napatingin kay Jozel at saka sa kanya bago nagsalita. "Walang nahuling salarin dahil hindi daw solid ang mga ebidensya at w
