Naging abala ang sumunod na araw sa paghahanda. Bumalik sa Lime sina Niño, Ricky at Alexi kasama sina Tony at Joey para sunduin ang tiyahin at mga pinsan ni Ricky. Dinala ni Ren si Bonnie at sina Nana Marta. Doon naghihintay ang ilang Hunters na tutulong maghatid at mangalaga sa grupong tutungo sa Sapiro. Matapos magpaalam sa pamilya nya ay lumapit si Ricky kina Tony at Joey.
"Mag-iingat kayo," wika ni Ricky kay Joey.
"Kayo rin," yakap ni Joey na hinalikan sa pisngi si Ricky at niyakap.
"Tony, ikaw na muna ang bahala sa pamilya ko at kay Prinsesa Joey," bilin ni Ricky.
"Masusunod, Kamahalan. Babantayan ko silang parang akin," pangako ni Tony.
"Niño, pangalagaan mo ang kuya mo. Mag-ingat kayo," bilin ni Joey na niyakap si Niño.
"Opo," ani Niño.
"Oras na para umalis, Kamahalan," paala
