Sa LeValle, patuloy pa rin ang pagbangon ng Sentro habang hinahanap si Ricky. Dumating noon sina Tony at Joey sa Receiving Room. Sinalubong sila nina Emir at Drew. Nagbigay-galang ang dalawa kay Joey.
"Maligayang pagdating Lady Joey!" bati ng dalawa.
"May balita na po ba?" tanong ni Joey.
Umiling si Emir.
"Wala pa Kamahalan. Sa ngayon, pinag-utos na ng hari na pagtutuunan na nang pansin ang paghahanap sa kanya," balita ni Drew.
"Ipagpaumanhin nyo na hindi kayo nasalubong ng mga Kamahalan. Alam nyo naman ang sitwasyon ng Valle ngayon. Nagpasabi po sila na babatiin nila kayo ngayong gabi sa hapunan," hingi ng dispensa ni Emir.
"Naiintindihan namin ang sitwasyon. Pakisabi po na wala po iyong atraso," sabi ni Joey.
"Tama po ang Prinsesa," banggit ni Tony.
"Kamusta na po sila?" tanong n
