Parang naubos ang hangin sa dibdib ko.
Lumipat ang tingin niya sa suot kong damit… medyo magulo kasi sobra akong nagmamadali kanina.
Doon muling tumigas ang panga ni Kuya Arvill.
“Anong ginawa niya sa ’yo?” mariin niyang tanong, isang hakbang palapit kay Ashton.
“Wala,” mabilis kong sagot, halos pakiusap na dahil natatakot ako sa dilim ng mukha ni Kuya. “Kuya, wala siyang ginawang masama.”
Tahimik si Ashton, pero humakbang siya pasulong, inilagay ang sarili sa pagitan namin.
“Kung may problema ka,” malamig niyang sabi, “sa akin mo ibaling. Huwag sa kaniya.”
Isang maling desisyon. Bigla siyang sinugod ni Kuya. Isang suntok sana ang muntik tumama sa mukha ni Ashton kung hindi ako agad humarang sa harapan ng Kuya ko.
“Kuya!” sigaw ko, halos umiiyak na. “Please! Huwag mo po siyang sakt
