NAGISING si Zionne sa isang tahimik na silid, doon niya napagtanto na naroon siya sa clinic. Sa hindi kalayuan ay natanaw niya ang bulto ng isang tao na pamilyar sa kaniya habang humahangos itong papalapit sa direksyon niya.
"Mabuti at gising ka na, kainin mo 'to para bumalik ang 'yong lakas." Napatitig siya sa hawak nitong burger at apple tea. Animo'y nakaramdam kaagad siya ng gutom nang makita iyon sa harapan niya. At kahit naaalala niya pa rin ang nangyari kanina ay pinili niyang kalimutan na muna iyon alang-alang sa baby niya.
Saglit niya pa itong sinulyapan bago pa man tanggapin ang hawak nitong pagkain at inumin. "Howard," pagtawag niya sa pangalan ng kasintahan. At mabilis pa sa alas-kuwatro nang sabihin niya ang mga katagang, "Okay naman na ako kaya makakaalis ka na."
Nakita niy
