Michiko’s POV
Kung noong nakaraang linggo ay si Caelen lang ang busy sa aming dalawa, ngayon naman ay busy na rin ako kaya maging ang pagrereply sa kanya ay hindi ko na rin kaagad nagagawa. Nabigla kami ni Hannie sa maraming tawag at order ngayon kaya halos hindi na kami nakauupong dalawa at hindi na rin namin namalayan ang oras kaya maging ang oras para mananghalian ay hindi na rin namin napansin.
“Michiko, kumain na muna tayo,” pag-aaya sa akin ni Hannie noong naka-puwesto na siya para kumain ng tanghalian. Halata na rin sa itsura niya ang pagiging pagod at masasabi ko na ganoon na rin siguro ang itsura ko. Hindi kami sanay na ganito karami ang order sa isang araw kaya nabigla kaming dalawa. Hindi naman kami magrereklamo dahil kahit pagod kami ay nagpapasalamat kami na marami ang ginag
