Michiko’s POV
Dumalaw kami ni Jiro sa bahay nina Kuya Euan ngayon para makipaglaro kay Tovee. Palaging sila ang nagpupunta sa bahay kaya naisipan namin na kami naman ang dumalaw sa kanila. Sa sobrang lawak ng mansiyon na ito ay kasya na kaming lahat at gusto pa nga ni Ate Rosaleen na rito na kami tumira pero naiintindihan naman niya na ayaw naming iwanan ang bahay namin dahil nandoon ang mga ala-ala nina Nanay at Tatay at ayaw rin naman namin na mapabayaan ang bahay na iyon.
Nang makapasok na kami sa bahay nila ay nakita namin na nakaupo si Kuya Euan habang nakaharap sa laptop niya kaya umupo ako roon habang si Jiro naman ay pinuntahan kaagad si Tovee para sunduin at dalhin sa baba para makapaglaro na kami.
Hindi ako pinapansin ni Kuya Euan na abala sa pagtitig sa laptop niya. Weekend n
