Sanay na ako makarinig ng mga masakit na salita laban sa akin. Pero ang saktan ako pisikal, isang beses lang nangyari yun noong sampalin ako no itay nang malaman niya na buntis ako. At ito ang ikalawang pagkakataon na may nanakit sa akin pisikal.
Masakit. Takot na takot ako. Wala naman siyang karapatan na saktan ako dahil wala naman akong ginagawa sa kanya. Pero anong laban ko? Nasa pamamahay niya ako. Kung sasagot ako at papatulan siya baka mas malala pa ang gagawin niya sa akin.
Hindi ko pinigilan ang pagpatak ng luha ko kasabay ng paghikbi. Naka alis na si Ma'am Elizabeth ngunit nanatili parin ako sa aking kinatayuan. Nanginginig ang kamay at tuhod ko. Ang bilis din ng t***k ng puso ko dahil sa kaba na naramdaman kanina sa ginawa niya.
Akala ko sampalin niya ako. Na hindi lang iyo
