Dahil marami kami, nagpaalam kami sa may-ari ng bar na ipagdikit namin ang dalawa o tatlong mesa at mabuti nalang ay pumayag ito.
Bakas sa mukha ni Elene ang saya. "My goodness, Naya. Ang ganda ng place, plus, ang gagandang lahi ng mga kasama natin!" Anas niya sa aking tainga.
"Baliw ka talaga, Elene." Natatawang sabi ko.
Bumungisngis siya't bumaling kay Inez para kausapin niya ito. Alam kong medyo shock din si Inez, hindi kasi siya 'yung tipong mahilig makihalubilo sa ibang tao pero dahil sa akin ay pinagbigyan niya ako. Okay lang daw para naman maranasan daw niya ang mga ganito. Mabuti nalang ay wala ang parents niya dito sa Cavite dahil nasa bandang Davao ang mga ito at abala sa kanilang farm.
Isa sa mga nagustuhan ko sa magpipinsang Ho ay hindi nila tinuring na iba ang mga kaibigan
