Pagdating ko bumungad agad sa akin ang ilang empleyado sa labas ng opisina ko. Sabay-sabay nila akong binati at sumabog ang mga confetti sa ere.
"Happy Birthday, Ma'am Hana!" malawak ang ngiting bati sa akin ni Grace habang hawak ang isang cake. Nag-wish ako saglit bago hinipan iyon.
"Anong wish mo, Ma'am?" tanong nito.
"Sana magka-boyfriend na si Ma'am!" sabi ng isa.
"Hindi, may boyfriend na yata si Ma'am. Iyong guwapong sumusundo sa kaniya minsan," sagot naman ng isa pa.
Natigilan ako. Napapansin na pala nila si Lance. Nginitian ko lang sila. "Guys, back to work na."
"Sabi nga po namin, Ma'am."
"Ako nang bahala sa lunch niyo mamaya," sabi ko pa sa kanila.
"Yon, oh! Thank you po, Ma'am," tuwang-tuwang sambit ng mga ito.
Ilang minuto pa lang akong nakaupo nang pumasok si Mommy sa
