"B-bakit ako? H-hindi ba may... a-asawa na siya?"
"Po? Ibig sabihin hindi ka pa niya nakakausap?"
"A-ang totoo kasi niyan, hindi kami nag-uusap."
"Hay, si kuya talaga. Hindi man lang siya nag-explain sa'yo, Ate?"
Napakagat ako sa ibabang labi. "Hindi ko na siya pinakinggan. Wala naman magbabago kahit mag-explain pa siya. Kasal na-"
"Hindi iyon totoo, Ate," putol niya sa sinasabi ko.
Bahagyang kumunot ang noo ko.
"Wala naman kasal na nangyari. It was Dad's decision. Gusto niyang mapagtakpan ang mga bintang kay Kuya at mamatay na ang issue kaya in-announce niya ang engagement kahit hindi pumayag si kuya."
Mas lalong kumunot ang noo ko at naguguluhang tiningnan siya. "A-anong ibig mong sabihin? Anong mga bintang at issue?"
Sandali itong hindi sumagot. Tila pinag-iisipan ang sasabihin
