Nakatulog sa mga bisig ni Clay si Ice. Kanina lang ay kinukwentuhan siya ni Clay. Ang cute nga eh. Hindi mawala wala ang ngiti ko habang nakatingin sa kanila.
"Clay, mas mabuti sigurong ilagay natin si Ice sa kwarto." bulong ko. Baka kasi magising si Ice.
Tumango naman si Clay. Dahan dahan niyang binuhat si Ice. Pinagsabihan ko siyang dahan-dahanin ang pagkarga kay Ice dahil may benda pa ito sa iba't ibang parte ng katawan. Natatakot kasi talaga ako na baka may mangyari. Kakalabas niya lang ng hospital, ayokong bumalik ulit siya roon.
"Thank you." wika ko kay Clay matapos niya maibaba si Ice.
Lalabas na sana si Clay pero hinila ko ang kamay niya pabalik sa loob. Nagulat siya sa ginawa ko. Pinag-isipan ko na ito kanina habang pinapanuod ko sila. Buo na ang desisyon ko. See? Hinahalikan
