Nakauwi na ang iba dahil talagang di na sila makabangon sa sobrang kalasingan. Mahigit sampo na lang kaming natitira dito. Si Manny ang naghatid sa mga nalasing na, dahil siya ang may pinaka-mataas na alcohol tolerance sa mga empleyado dito.
Pinalitan na ang table namin sa mas maliit dahil konti na lang kaming naglalaro ngayon. Tuloy pa rin ang laro kahit wala na ang Team Leader namin dahil nakaramdam na rin ng kalasingan. Tutal, pwede na rin umuwi dahil 12:10 AM na. Pero nanatili pa rin kami dahil…naeenjoy namin ‘yung laro? Ako, nananatili ako dito dahil nandito si Cassandra. Hangga’t nandito siya, ‘di ako aalis. Gusto kong ako ang maghatid sa kanya pauwi.
Nang pinaikot ni Felix ang bote, tumapat iyon kay Cassandra.
“Okay!!!” tuwang-tuwa si Felix nang saw akas ay tumapat na kay Cassand
