“FOR the meantime ay dito ka muna sa bahay namin tutuloy. Hanggang hindi pa nakakalabas ng ospital si Lola Patring ay mas makakabuti na dito ka muna, Winona,” sabi ni Light kay Winona pagkapasok nilang dalawa sa bahay nila.
Napag-isip-isip kasi niya na hindi kaya ni Winona ang mabuhay nang mag-isa lang ito sa bahay nito. Kaya matapos nilang kumain sa Jollibee ay tinanong niya ito kung payag ba ito sa naisip niya at pumayag naman ito. Kumuha lang sila ng ilang damit nito sa bahay nito at saka sila pumunta dito.
“Winona, nakikinig ka ba?” turan niya nang hindi man lang nagsalita ito.
Iyon pala ay panay ang ikot nito at tingin sa kabuuan ng kanilang bahay. Kitang-kita niya na sobrang na-a-amaze ito sa nakikita nito.
Huminto ito sabay lapit sa kanya. “Wow! Sobrang laki naman ng bahay niyo,
