SA sobrang tensed ni Light sa tagal ni Winona sumagot ay hinawakan na niya ito sa magkabilang balikat sabay yugyog. “Ano?! Sagot!” sigaw niya.
“Oo! Alam ko iyon!” Sa wakas ay sagot ni Winona.
“Alam mong kantahin?”
“Oo naman!” Nag-thumbs up pa ito sa kanya.
Hay, salamat sa Diyos! Nakahinga na siya nang maluwag.
“Good! Mamaya ay kakantahin natin iyon sa may stage. Naiintindihan mo ba?” sabay turo niya sa stage. “Kaya mo ba?”
“M-maraming tao ang manonood?”
“Oo naman. Bakit?”
“Sorry, Light, pero hindi ko kaya!” Agad itong tumalikod para maglakad palayo pero mas naging mabilis siya.
Humarang siya sa daraanan nito. “Bakit?”
“M-may stage ano ako… stage…”
“Stage fright?”
“Oo. `Yon na nga. Kaya ayoko. H-hindi ko kayang kumanta sa harap ng maraming tao saka hindi naman ako magaling kuman
