ISINAKAY na lahat sa truck ang gamit ko. Kumuha si Papa ng mga tauhan para may magbuhat ng mabibigat kong gamit.
Halos mapuno-puno ang truck na inarkila ko. Ngayon ko lang na-realize na ang dami ko na pa lang naipundal na gamit. Kung sa bagay, halos lahat ng makikitang gamit sa bahay, pera ko ang ginamit pero wala na iyon sa akin. Ang mahalaga, iyong ngayon. Bukod kay mama, gusto ko na ring tumayo sa sarili kong paa na kung saan ay gawa ko ang lahat. Hindi rin ako kukuha ng maid dahil gusto kong mapag-isa at matuto sa gawaing bahay.
"Anak, pwede ka namang dito na lang, e. Bakit ka ba aalis pa? May bahay naman tayo."
Nag-aalala ba talaga siya sa akin o nag-aalala lang siya na hindi ko siya bigyan ng pera?
"Buo na ang desisyon ko. Gusto kong matuto sa buhay. Gusto kong maranasan paano
