PINUNTAHAN ni Tristan si Dianna sa set sapagkat hindi na niya magawa pang tiisin ito ngunit inuna niyang magtungo sa comfort room upang magbawas ng tubig sa katawan. Nang matapos ay pupunta na sana siya sa kinalalagyan ng kaniyang nobya ngunit natigilan siya nang biglang mahagip ng kaniyang mga mata ang dalawang lalaking mahinang nag-uusap sa dulo at halos pinakasulok ng magkabilang gilid ng malalaking pader na kung saan ay may makitid na espasyo na humahati sa palikuran ng mga babae at lalaki.
Ipagsasawalang bahala na lamang sana niya iyon ngunit napahinto siya sa pagtatangka niyang paghakbang nang marinig niya ng mas malinaw ang boses ng isang lalaki.
Ginawa niya ang lahat upang mas makalapit pa roon nang hindi siya nahuhuli. Malakas ang t***k ng puso niya lalo na ang kutob niyang ang
