ANG ekspresyon ng kaniyang mukha, animo'y binasag nang makita niya ang nilalaman ng kahong ibinigay ko.
"K-Kailan mo pa nalaman na b-buntis ka?"
"Kanina lang."
"Kanina lang?" kunot ang noo niyang tanong.
"Oo. Napapansin ko ang sarili ko nitong mga nagdaang araw na para bang sobrang takaw ko. Para akong walang kabusugan. Iyong mga pagkaing ayaw ko noon, hinahanap-hanap ko ngayon. Palagi akong pagod kahit na wala naman akong ginagawa. Maya't maya akong tulog. Ihi ako nang ihi. Hanggang sa bigla na lamang bumaligtad ang sikmura ko. Sobrang dami kong isinuka kanina hanggang sa mapagtampi-tampi ko ang lahat ng mga bagay-bagay na nararamdaman ko sa aking katawan."
"K-Kung ganoon, ano ang gagawin natin?"
"Tristan, hindi ito pwedeng malaman ng mga tao lalo na ni Dianna. Pakiusap, tulungan mo
