SALUBONG ang kilay ng binatang si Tristan habang pinanonood si Dianna at Darwin sa pagpirma ng kani-kanilang mga kontrata.
Punong-puno ng selos at pangangamba ang puso niya ngunit pinipilit na lamang niyang itago iyon at huwag ipahalata kay Dianna kahit na alam niyang alam ng dalaga ang tunay na nararamdaman niya.
Bilang isang lalaki, nais niyang magmukhang matapang at malakas sa harap ng kaniyang nobya ngunit hindi niya mapigilan ang kamay sa palihim nitong pagyukom habang pinagmamasdan sa isang tabi ang dalawang masayang nagtatawanan.
Umalis siya nang hindi nagpapaalam kay Dianna. Lumabas siya sa office ng direktor at nagtungo siya sa mahangin na lugar ngunit walang tao.
Nakasandal ang kaniyang likuran sa pader at nakapamulsa ang dalawang kamay. Nakayuko siya at sinisipa-sipa ang mal
