Dear Diary,
Mga Pulang Rosas at Pasko ng Puso ko.
Pasko ngayon kaya gusto ko ng espesyal na eksena. Walang drama, walang away, walang malungkot na usapan. Gusto kong tuwing babalikan ko ang petsa ngayon, ngingiti ako. Gusto ko rin na sa bawat pagsapit ng Pasko, masayang eksena ang babalikan ko.
Masaya dapat kaya lang may nami-miss ako.
Si Sir Pangit.
Wala siya ngayon kaya aalog-alog kami ni Nanay sa malaking bahay na iyon.
Nagluto ng Noche Buena si Nanay. Papayag ba akong mahalata niyang may kulang ang Pasko ko?
Hindi. Kailangan kong maging masaya.
Alas dos na ng madaling araw, nakatanaw pa rin ako sa labas, umaasang may dumating na sasakyan,umaasang makikita ko si Sir Pangit sa pinakamasayang araw na iyon sa buong taon.
Nakatulog akong binubuo sa isip ang eksenang dumating si Sir
