Sa repleksiyon sa salamin ay isa-isang tinititigan ni Leia ang mamula-mula pa niyang balat at ang mga marka ng stitches sa kanang bahagi ng mukha niya. Sinadya niyang hindi maglagay ng bandages. Gusto niyang makita ang sarili na wala ang gasa na nagtatago ng totoong pinsalang naiwan ng aksidente.
Hindi na niya inalam pa ang mga operasyong pinagdaanan nila pareho ni Ross—hindi niya gustong malaman. Sapat nang nagising si Ross pagkatapos ma-comatose, habang siya ay mga marka na lang sa mukha ang nagpapaalala sa gabing iyon.
Nag-umpisang mamasa ang sulok ng mga mata ni Leia. Unti-unting mawawala sa mga susunod na araw ang mga markang iyon, maghihilom ang mga sugat ngunit ang pilat na maiiwan ay hindi na mawawala pa. Ang mga pilat na iyon ang palaging magpapa-alala sa kanya ng mga nawalang h
