Ano'ng pakiramdam?
Magulo.
Ano'ng nangingibabaw?
Sakit.
At ang sinasabi ng puso mo?
....
Mahal mo pa rin siya?
Hindi na siguro mawawala.
Ano ba talaga ang nangyari?
Hindi ko na rin alam. Ang malinaw lang, pareho kaming nagbago. Pareho naming ginusto ang distansiya hanggang tuluyang naputol ang lumang koneksiyon.
At walang nagtangkang ayusin ang nasira?
Paano ba dapat ayusin ang nasira na hindi mo alam kung saan banda?
O baka wala talagang nasira?
Hindi ko alam. Baka pareho lang talaga naming ginustong lumaya...
PINATAY ko ang laptop pagkatapos kong i-saved ang huling article para sa Diary project. Twenty-four hours na akong walang tulog. Twenty-four hours and thirty minutes to be exact. Kailangan ay matapos na ang Diary project dahil isang araw na lang ay babalik na ng Pilipi
