ANG mga sumunod na entry sa diary ni Meah ay naroon na naman ang red ink na handwriting ni B. Nilampasan ko ang mga entry. Hinanap ko uli ang mga sumunod na entry na gusto niyang gamitin ko.
GRADUATION
Dear Diary,
Si Sir Pangit, ang Bituin at ang Ibon
RAMDAM kong may kung anong bumara sa lalamunan ko pagkabasa ko sa unang bahagi ng entry.
Bituin?
Ibon?
Pumikit ako, pinilit putulin ang alaala subalit tulad ng maraming naunang eksena ay bigo ako. Muling umikot ang mundo ko pabalik sa nakaraan—at huminto sa garden kung saan ay maaliwalas ang langit at puno ng makikislap na bituin.
GRADUATION, 2010
"Late na, Leia. Bakit nasa labas ka pa?"
Mula sa kalawakan ay lumipat ang tingin ni Leia sa nagsalita sa likuran niya—si Ross. Dumating ang lalaki bago mag-alas siyete kanina, dala ang mga
