(The other side of the news)
ILANG BESES na siyang tinatawagan ni Karen ngunit wala siyang ganang sagutin iyon. Hindi na naman siya pumasok sa opisina dahil pakiramdam niya ay latang-lata siya at tanging ang higaan lang ang tanging makakatulong sa kanya upang maibsan iyon.
Sunod niyang nakita ang pangalan ni Ali sa screen ng mobile phone ngunit hindi niya lang ulit pinansin iyon. Gusto niyang matahimik ang isip niya. Ayaw na muna niyang mag-isip ng ano pa man. Gusto niyang mapag-isa. Akma na niyang itu-turn off ang mobile phone nang hindi sinasadyang mapindot ang green button.
Shit!
“Hello, Fortney! Naririnig mo ba ako?” tanong nito.
“Bakit, Ate?”
“Kanina pa ako tumatawag sa iyo ah. Bakit hindi mo sinasagot?”
“Hindi ko napansin,” pagsisinungaling niya.
“Okay ka lang ba? Hindi ka p
