Nanhahapdi ang mga mata at nananakit ang ulo na pinilit kong magmulat. Amoy alcohol ang paligid at kahit hindi ko pa nakikita ang kinaroroonan ko, alam kong nasa ospital ako. Pero bakit ako naroon? Anong ginawa ko? Anong nangyari sa akin?
"Julian!"
Napalingon ako sa lalaking nasa gilid ng kama ko. He's familiar but... what's his name? Bakit alalang-alala sa akin ang itsura niya?
Bumukas ang pintuan ng kuwarto at nanlaki ang mga mata ko nang makita kong apat na tao ang sunod-sunod na pumasok roon. Tatlong lalaki at isang babae ang agad na lumapit sa kinahihigaan ko at nag-aalala ring nakatingin sa akin.
"Ivan, what happened?! Limang araw pa lang kayong nakakabalik, may nangyari nang ganito kay Julian!" galit na galit na tanong ng isa sa mas matandang lalaki sa lalaking nasa harapan k
