KATATAPOS lang mag-shower ni Jared. Mahihiga na sana siya sa kama para matulog nang tumunog ang kanyang cell phone. "Hello, Philip," aniya nang sagutin ang tawag. Si Philip ay isa sa mga engineer nila sa Dela Vera Builders. Madalas na ito ang nakakatrabaho niya sa mga proyektong hinahawakan niya kaya naging malapit na rin niya itong kaibigan.
"Pare, kumusta na diyan?"
"Ayos lang. Kumusta diyan sa opisina?"
"Okay naman. Inaasikaso ko ang blueprint ng Palacio de Mercedes. Nasabi ba sa 'yo ng papa mo na may ilan siyang gustong ipabago sa original building plan na ginawa mo?"
Hindi siya kaagad sumagot. Espesyal para sa kanya ang proyektong iyon, at hangga't maaari gusto niyang sa kanya manggaling ang lahat ng input para doon. Pero ayaw din naman niyang maging problema pa iyon sa pagitan n
