“SANYA, ang gwapo naman niyang kasama mo. Nobyo mo ba ang lalaking 'yan?” tanong sa akin ng suki ko'ng tindera ng pansit bihon na si Aling Virgie. At dahil dakila rin itong chismosa, hindi na kataka-takang magtanong ito tungkol sa lalaking kasama ko.
Nilingon ko si Ram na abala sa pagbabantay ng jeep wrangler malapit dito sa tindahan ng pansitan. Patingin tingin ito sa mga dumadaan. Pinaiwan ni tatay si Ram sa palengke para raw may makasama ako sa pag-uwi. Nag-aalala pa rin kasi ang tatay ko sa mga nangyayaring insidente ngayon dito sa Talabera. Si Piyang naman ay tinawagan ng agent nito pagka't may biglaang audition daw na lalahukan. Nagmamadaling umalis ang loka para humabol.
“Ah, isang kaibigan ang taong 'yan, Aling Virgie. Huwag ka'ng mag-isip ng ganyan. Nag-aaral pa ho ako,” sabi k
