Nagising siyang magaan ang pakiramdam. Dahan dahan siyang nagmulat ng kanyang mga mata. At nanlaki ang kanyang mga mata ng maalala ang nangyari kagabi. Dali dali siyang bumangon upang hanapin ang mga anak at si Mama Rose.
Pag lingon niya sa kabilang bahagi ay nakahiga ang kanyang mga anak, may unan pa sa pagitan ng mga ito. May harang sa magkabilang gilid kaya naman di mahuhulog ang mga ito. Si Mama Rose naman ay halos nakabukaka na sa sobrang lalim ng tulog.
Sa isang kama naman naroon si Jana at Aqua na magkayakap pa na natutulog sa kama. Di na niya muna ginising ang mga kasama dahil tiyak niyang pagod ang mga ito at nagbabawi ng lakas. Di niya maiwasan na di mag alala para sa asawa.
Sa tingin niya ay di naman mapanganib ang kanilang kinaroroonan. Kasi kung may masamang balak ang mga
