Napakamaaliwalas ng kanilang mga mukha habang tinatanaw ang napakalawak na hardin na punong-puno ng mga iba't ibang uri ng mga bulaklak. Napagdesisyunan nilang mamasyal sa samu't saring mga destinasyon sa kanilang pook. Isa na rito ang Jardín de Flores na tinaguriang isa sa mga tanyag na destinasyon sa San Rafael. Ito'y kinakalooban ng isang libong samu't saring mga bulaklak.
Hindi mabilang ang mga binibini at ginoo na namamasyal dito lalong-lalo na ang mga magkakasintahan. Tanyag ang destinasyong ito bilang hardin ng pag-iibigan dulot ng mga magkasintahang dito pinaglalaanan ang yugto ng kanilang pagmamahalan. Karamihan ay dito nagtatapat ang mga ginoo sa kanilang mga binibini at isasambulat ang mga matatamis na 'oo' o pagpayag sa kanilang mga manliligaw ngunit, kahit na isa ito sa mga
