Inilapag niya sa ibabaw ng puntod ni Diego ang kanyang dalang kumpol na bulaklak. Mayroon pa ring hinanakit na nakaukit sa kanyang katauhan ngunit kanyang pinapalakas ang kanyang sarili at unti-unting tinanggap muli ang pagkasawi sa pag-ibig.
Hindi man madali iyon ngunit alam niyang maghihilom pagdating ng panahon ang kanyang sugat. Kasabay ng kanyang paghihinagpis ay masaya rin siya sapagkat napawalang-sala na sa wakas ang ang ama ni Diego nang isinalaysay ni G. Eugenio ang lahat ng katotohanan sa gobernador-heneral. Ang lahat ng parusang iginawad ng Audiencia Real sa angkan ng kanyang iniibig ay pinawalang-bisa na. Sa wakas ay nakamit ang hustisya at kalayaan para sa pamilya ng kanyang pinakamamahal. Mag-isa na lamang ang ina ni Diego ngunit tinutulungan nila itong makabangon.
Sa kabi
