18.
"Argggg!" ang irita kong hiyaw bago mapabangon sa higaan ko. Binalingan ko ang orasan at alas kuwatro na ng madaling araw pero hindi ko na magawang makabalik sa pagtulog kahit na anong gawin ko. Napahilamos ako sa mukha bago iyon mahinang tapikin. "I can't go to the party looking like a zombie."
Mamaya na ang party kung saan ako naimbitahan kasama sila uncle Gilbert at Leslie. I already have my dress, na sila Miya at Cheska ang namili kahapon ng pumunta kami ng mall. Tutulungan din nila akong mag-ayos mamaya para hindi ako magmukhang ewan sa party. And Cheska said that I should get a beauty sleep, but now I cannot sleep at all. Nakatulog naman ako kagabi pero nang magising ako kaninang alas dose, ay hindi na ako muling dinalaw ng antok kahit na nagpagulong-gulong na ako rito sa kama.
