14.
Nagpabalik-balik ako ng lakad sa loob ng kuwarto ko at hindi pa rin mapakali habang inaalala ang sinabi ni Zion kanina sa 'kin sa kusina.
"Imposible. Pa'no niya nalaman. I mean, maingat ako sa bawat galaw ko lalo na kapag nasa paligid ko siya kaya pa'no," ang hindi mapakaling tanong ko sa sarili.
Hindi ko alam kung ilang minuto na akong parang praning na nagpapabalik-balik dito habang binabalikan ang mga sinabi sa 'kin ni Zion kanina sa kusina. He knew. Alam niyang bumalik na ang paningin ko kahit na hindi ko 'yon kinumpirma sa kaniya.
Alam kong darating din ang araw na 'to na matutuklasan niya ang sekreto ko pero hindi ganito kaaga. I know him too well. Hindi siya titigil hanggat hindi niya napapatunayan ang mga hinala niya kaya alam kong hindi siya titigil hanggat hindi ako umaam
