15.
Marahan akong pumasok sa front seat ng kotse habang inaalalayan ako ni Zion, siya na rin ang nagkabit ng seatbelt ko kahit kaya ko naman na 'yon mag-isa. Tahimik lang siyang ginagawa 'yon hanggang sa pumasok na rin siya sa driver seat.
"We're leaving," pagpapaalam niya sa akin na hindi ko na sinagot.
Pabalik na kami sa mansyon ngayong araw. Nauna naman na kaninang umaga si Manang na sinundo ni Manong Leo dala ang van kung saan inilagay ang mga gamit ko. Nakipagkita pa kasi ako kay Ninang Serina kaya sila na ang pinauna ko at isa pa ay kasama ko naman na si Zion kaya kampante akong makakabalik ako ng ligtas, kahit na hindi pa rin kami nag-uusap ng gaano simula ng huli naming pag-uusap sa graden ng hacienda.
"Mahaba pa ang byahe, mabuti siguro kung matulog ka na muna," ang biglaan ni
