Bumalik na siya sa Root Valley upang kausapin ang mga kaibigan na may matibay na siyang desisyon at hindi muling tatanggihan pa ang tadhana sa asawa. Nais niya rin humingi ng dispensa sa dalawa dahil nahikayat pa niya ang mga ito. Tahimik ang pasilyo ng Root Valley hanggang sa umakyat na siya sa second floor. Dumiritso muna siya ng sala upang hintayin ang dalawang kaibigan ngunit may hindi siya inaasahang mga bisita.
"SURPRISE!"
Nagulat siya nang pagbukas niya ng pintuan ay bumungad sa kanya ang mga kaibigan. "Ay, kamote! Anong-----"
"MICHELLE!"
Isa-isang niyakap siya ng mga kaibigan na halos dalawang buwan niyang hindi nakikita dahil sa pananatili sa lugar mula din noong inatasan siya sa isang misyon. Muli na naman silang naging maligalig sa puntong iyon at nagkagulo. Sabik na sab
