Nagtago si Milagros sa parting walang masyadong nakakakita sa kanya lalo na sa mga tauhan ni Emil. Hindi niya akalain na kayang ipaampon nito ang apo niya mismo. Dalangin niya na sana wag muna magising ang sanggol na ngayon ay tulog at walang kamalay malay sa nangyari.
Buong akala niya ay wala na ang mga tauhan kaya kampante siyang lumabas sa pinagtaguan at naglalakad palabas ng hospital ngunit hindi pa man siya nakalayo ay narinig niya ang sigaw ng tauhan.
“Ayon siya! Habulin ninyo!” Utos nito sa mga kasama.
Natarantang tumakbo ng mabilis si Milagros. Hindi muna niya inintindi kung magising man ang sanggol na dala-dala niya. Saktong may dumaang taxi kaya pinara niya ito. Buti na lang at walang sakay kaya mabilis siyang nakapasok.
“Saan ang tungo, ma’am?” tanong ng driver ngunit wa
