Hindi ko alam kung tama bang sinamahan ko pa si Drake o dapat hindi na lang dahil naroon naman na si Kyla. Salamat naman at mas disente ang damit niya ngayon kaysa noong huli naming pagkikita.
Pagkarating namin ay kausap na nito si Anna. Pero malungkot ito at parang hindi nagugustuhan ang sinasabi ng kanyang ina. Nag-aalala man ay wala naman akong karapatang makisali sa kanila. Nagpakawala na lamang ako ng malalim na buntong hininga.
"Drake," tawag ko sa katabi. Nakaupo kami sa may sala at hinihintay sina Mama at Sister upang makausap niya. Malamlam ang kanyang matang nakatingin sa akin. Saglit na natulala.
"Yes, baby?" tanong niya, malungkot na nakangiti. Bahagya niyang pinisil ang mga kamay kong nakapatong sa aking hita.
"Pwede mo bang puntahan si Anna?" Tinuro ko ang direksyon k
