Chapter 41
Zhiya Sabriya Smith
PAGKARATING ko sa kwarto, agad kong isinara ang pinto. Sumandal ako sa likod ng pinto, pinikit ang mga mata habang pilit kong pinipigil ang hagulgol na gustong kumawala.
Pero hindi pwede. Ayokong magising si Seve. Naroon siya sa kama—nakahiga, nakayakap sa maliit na unan, mahimbing ang tulog.
Mapayapa ang mukha ng anak ko. Walang idea na habang siya'y nananaginip, ako nama'y wasak.
Huminga ako nang malalim. Pinilit kong ayusin ang sarili. Tumingin ulit sa anak ko bago tuluyang pumasok sa banyo.
Hinubad ko ang suot kong damit at binuksan ang shower, di ko na inantay uminit ang tubig. Kahit malamig, binabad ko ang katawan ko.Mas okay na ang ganitong lamig kesa sa lamig ng pagtrato sa akin ni Amari.
Habang dumadaloy ang tubig sa katawan ko, para bang unti
