Cherry
Pagdating namin sa bahay ni Jethro ay nakita ko roon si Jax at si Tito Owen na busy na naglalaro ng scrabble. Mukhang iyon na talaga ang past time ng dalawang ito. Pagabi na noong mga panahong iyon at hindi pa namin namalayan na natagalan kami ng paghahanap sa apartment ni Papa. Nang makita ako ni Jax ay agad siyang kumaway sa akin at tumakbo palapit sa akin. Nagulat ako ng bigla niya akong sinugod ng yakap.
“Hello po ate! Dito ka na po ba ulit titira?” masayang tanong niya.
Napatingin ako kay Tito Owen na nakangiti sa aming dalawa at kay Jethro na napatingin sa amin.
“Uhm, oo pero tuwing Sabado at Linggo lang. May trabaho kasi ako kaya kung minsan hindi na ako natutulog dito. Pasensya ka na ha?” malumanay kong sagot sa bata.
“Ganoon po ba? Sana po mas malapit na iyong trabaho
