PAGKATAPOS kong pumunta sa lugar kung saan maaaring pumunta ang taong hinahanap ko, ay dumiretso ako sa shop. Hanggang ngayon ay hindi ko pa rin nahahanap ang anak ni Mr. Kim.
Talagang pinapahirapan ako nito sa paghahanap ngunit hindi pa rin ako susuko, dahil napaka-importante para sa akin ang trabaho na ito. Ito lang ang naging matagal na kaso na hinawakan ko.
Dahil sa dami na ng taong pinahanap sa akin ay dalawang linggo o isang buwan lang ay nakikita ko na ang mga ito. Ito lang talaga ang unang beses na nangyari ito. Talaga siguring ayaw magpakita ng babae na hinahanap ko.
Siguro nga ay ayaw talaga nitong makasal sa lalaking nirereto sa kaniya ng magulang niya kaya naman ganon na lang ang takot niya na magpakita sa akin at sa ibang tauhan pa ng ama niya. Sa bagay kung ako man ang nas
