Dominus
Matapos ang madamdamin naming pag-uusap ng aking ama ay agad akong dumiretso sa meeting room kung saan ay kailangan kong sabihin sa kanila ang aking nalaman. Hindi ko na sinama pa si Earl dahil hindi naman siya opisyal na OA at hindi niya pa pwedeng malaman na ako si Dominus. Pagpasok ko ay kita ko pa ang mga walang pakialam na ekspresyon ng aking mga Ingeniums at Manus Dextras.
Nang makaupo ako sa mismong kabisera ng mesa ay natahimik sila habang nakaupo naman si Samantha sa aking tabi upang gumawa ng minutes of the meeting. Ang aking ama naman ay nasa pinakadulong banda ng silid at nakaupo lang siya sa gilid. Huminga ako ng malalim bago ko sinimulang ang aming meeting. Ang alam ko ay ang kanilang mga asawa ay nasa katabing kwarto ng meeting room at naririnig nila ang aming mga
