Dominus
Makalipas ang dalawang buwan ay halos lahat na ng kailangang ihanda para sa kasal naming dalawa ni Earl ay kumpleto na at invitation na lang ang hindi pa namin naipapamigay. Medyo abala ako ngayon at hindi ko masyadong maharap ang mga trabaho ko sa OA kaya naman ang aking ama ang nag-alok na tulungan ako na aking ipinagpasalamat. Katulad ngayon ay kailangan kong tignan ang pina-sadya kong wedding gown dahil gusto ko na maging maganda ako sa mismong araw ng aking kasal.
Halos kasama ko ngayon si Dyanne na naging malapit ko nang kaibigan at masaya ako na siya ang kinuha kong maid of honor ko. Siya lang naman din kasi ang tanging nakasaksi kung paanong muntik na kaming maghiwalay ni Earl nang dahil sa kanya. Mabait si Dyanne at sobrang ganda pa niya. Naiinggit nga ako sa katawan ni
